Forum for Arktisk Forskning
2013 decembarimi Forum for Arktisk Forskning Ilinniartitaanermut Ilisimatusarnermullu Ministereqarfimmiit naalagaaffeqatigiinnermi ilisimatusarnernik ingerlatsisut pingaarnerit peqataaffigisaannik pilersinneqarpoq. Naalakkersuisut aammalu Savalimmiut naalakkersuisui nakkutilliisutut inissinneqarput. Ilinniartitaanermi Ilisimatusarnermilu Ministereqarfiup issittumi allaffeqarfiata oqalliffimmi allaffissorneq suliaraa.
Ukiumi siullermi Forum for Arktisk Forskning immikkut ittumik qallunaat, savalimmiormiut aammalu kalaallit ilisimatusarfiisa ingerlaartumik suleqatigiinnerat nukittorsarniarlugu suliniuteqarpoq. Suliap inerneraa nittartagaq Isaaffik Arctic Gateaway, ulloq 31. marsi 2015-imi atuutilersoq ilisimatusartunut ataasiakkaanut issittumi misissuinissamut pilersaarusiornermi sakkussiaq.
2015-imi Forum for Arktisk Forskning-ip siullermeerluni Ilinniartitaanermut Ilisimatusarnermullu Ministereqarfimmut ukiumut nassuiaatini naalagaaffeqatigiinni issittumi ilisimatusarnermi innersuussutinik imaqartoq tunniuppaa.
Taamatuttaaq Europami ilisimatusarnermi programmi (horizon 2020) sunnerniarlugu sulisoqarpoq, ilisimatusarnermi programmimi issittumi ilisimatusarneq ersarinnerusumik inissisimalernissaa anguniarlugu.
Forum for Arktisk Forskning pillugu ataatsimiinnerni aammalu itinerusumik paasissutissat www.ufm.dk/arktiskforum-imi takuneqarsinnaapput.
Isaaffik Arcitc Gateaway-imi suleqatigiinneq pillugu nittartakkami www.isaaffik.org –imi annertunerusumik atuartoqarsinnaavoq.
Ilinniartitaanermut Ilisimatusarnermullu Ministereqarfimmi Issittumi Allattoqarfik
Ilinniartitaanermut Ilisimatusarnermullu Ministereqarfimmi Issittumi Allattoqarfik 2013-imi pilersinneqartoq issittumi ilisimatusarnermi pisortanut, ministereqarfinnut, aningaasaateqarfinnut il.il. isertarfittut atuuppoq. Allattoqarfiup Forum for Arktisk Forskning sullitaraa, ataani annertunerusumik atuarneqarsinnaavoq, kisiannili ilisimatusarnikkut tulleriiaarinermi pisussaatitaaffeqarani imaluunniit universitetit ilisimatusarnerini aaqqissuussisussaatitaanani.
Juuni 2014-imi Issittumi Allattoqarfiup naalagaaffeqatigiinnermi issittumi ilisimatusarnerit erseqqissarlugit saqqummersippai.
Issittumi Allattoqarfik ukiut tamaasa polarkonferenceqartarnissaa akisussaaffigaa, tamannalu siullermeerluni juuni 2014-imi pivoq aammalu malittuanik 2015-imi Aalborg Universitetimi ingerlanneqarluni. 2016-imi polarkonferenceqarnissaa 1.-2. novembari 2016-imi DTU-mi ingerlanneqarnissaa naatsorsuutigineqarpoq.
Issittumi Allattoqarfiup saqqummersitai, ataatsimiinnerit il.il. uani http://ufm.dk/polarforskningannertunerusumik atuarneqarsinnaapput.
Ilinniartitaanermut Ilisimatusarnermullu Ministereqarfik pillugu annertunerusumik www.ufm.dk -mi atuartoqarsinnaavoq.